Әлемдегі жетекші баспа Lonely Planet Қазақстанды жыл сайынғы Best in Travel 2025 рейтингінде саяхаттауға арналған ең үздік елдердің бірі деп жариялады, деп хабарлайды Altainews.kz тілшісі Prokadrykz телеграм-арнасына сілтеме жасап.

Prokadrykz телеграм-арнасының хабарлауынша, Lonely Planet сарапшылары саяхатшылардың, қызметкерлердің, авторлардың және туризм саласындағы басқа да кәсіби мамандардың ұсыныстарын саралап, үздік туристік бағыттарды іріктейді. 2025 жылғы таңдауларының қатарында Қазақстан да бар. Сарапшылар Қазақстанның бай тарихы, әртүрлі ландшафттары және бірегей мәдени мұрасы арқылы ерекшеленетінін айтып, әлем саяхатшыларына біздің елді ұсынуда.

Әлемге танымал саяхат басылымдарының еліміздің туристік әлеуетін жоғары бағалауы бірінші рет емес. Бұған дейін «Condé Nast Traveler» және «Wanderlust» басылымдары Қазақстанды 2024 жылы саяхаттауға арналған үздік әлемдік бағыттардың қатарына қосқан болатын. Сонымен қатар, Алматы қаласы The New York Times нұсқасы бойынша әлемнің үздік 52 туристік бағытының қатарына енген.

Айна Ескенқызы