«КАЖсервис» ЖШС-нің ШҚО филиалының мәліметінше, 12 қараша күні сағат 07:00-ден бастап республикалық маңызы бар келесі автожолдарда барлық көлік түрлеріне қозғалыс қайта ашылды:

- «Алматы – Өскемен – Шемонаиха – Ресей шекарасы» автожолы: 1123-1191 км (Преғорное ауылынан Шемонаихаға дейін), 1194-1212 км (Шемонаиха қаласынан Ресей шекарасына дейін);
- «Өскемен – Риддер – Ресей шекарасы» автожолы: 15-105 км (Белусовка кентінен Риддер қаласына дейін).

Сондай-ақ, «ОблШығысЖол» ЖШС мәліметіне сәйкес, 12 қараша күні сағат 09:00-ден бастап облыстық маңызы бар «Шемонаиха – Секисовка» (0-56 км) жолында жүк көліктері (тіркемесі және жартылай тіркемесі бар) мен жолаушылар автобустары үшін шектеулер алынып тасталды.

Облыстық маңызы бар жолдардың жай-күйі туралы ақпарат алу үшін келесі телефон нөмірлеріне хабарласуға болады:

• 70-66-66
• 8-705-798-05-99 (ТОО «Облшыгысжол», диспетчер)

Бұл байланыс арқылы жүргізушілер мен тұрғындар облыстағы жолдардың жағдайы, қолжетімділігі және қозғалыс қауіпсіздігі туралы нақты ақпарат ала алады.