– Менің балам бірінші сыныпқа, көршімнің қызы даярлық сыныбына барады. Өзіміз қалаға биыл көшіп келдік. Өтінішпен бірге баланы мектепке қабылдау үшін қандай құжаттар тапсыру қажет. Бұрын оншақты болатын, қазір төрт-бес құжат қана тапсырады дейді. Осының нақты тізімін айтып берсеңіздер екен.

Мөлдір Асхатқызы

Өскемен.

Сауалға облыстық білім басқармасының басшысы Сайрангүл Жұмаділова жауап береді:

– Енгізілген жаңа өзгерістер бойынша даярлық сыныбына және бірінші сыныпқа баратын балалар үшін тек төрт құжат қана талап етіледі. Олар:

1. Мекенжай анықтамасы;

2. 3х4 үлгідегі екі фотосуреті;

3. Баланың туу туралы куәлігі;

4. Медициналық анықтама;

Осыларды жинақтаған ата-аналар өздерінің тұрғылықты жері бойынша мектепке келіп өтініш жазады. Ата-аналардан бұдан басқа құжаттар талап етілмейді. Егер мектеп басшылығы өзге де құжаттарды талап еткен жағдайда қалалық білім бөліміне хабарлау қажет.