Зырян қаласының басшылығы жаңа түрлі-түсті музыкалық фонтан салуды жоспарлап отыр. Осыған байланысты жергілікті билік тұрғындардың ұсыныс-пікірін тыңдады, деп хабарлайды Алтайньюс тілшісі.

Аудан орталығының ресми сайтында хабарланғандай, фонтанның диаметрі 25 метр болады. Оған 110-120 шырақ орнатылатын көрінеді. Су бұрқағының биіктігі 15, ең аласа жері кемінде 7 метрге жетеді дейді. Нысанның құны шамамен 60 миллион теңгені құрауы мүмкін.

Ендігі сұрақ, фонтанды қаланың қай жеріне орналастырған жөн? Тұрғындар бұған қатысты әртүрлі пікір білдірді. Дегенмен көпшілігі Орталық алаңдағы Ленин ескерткішін алып тастап,  орнына фонтанды қоюды құптап отыр. Бұл туралы YK-news.kz сайты жазды.