Көлікпен жарыса билегендер жазаланып жатыр
Көлікпен жарыса би билегендер міндетті түрде жазаланады, деп хабарлайды Алтайньюс тілшісі.
Инстаграм әлеуметтік желісінде көлігінен атып түсіп, өздігімен жылжып бара жатқан көлікпен жарыса билегендер қаптап кетті. Рас, кейбірінде жүргізуші емес, жанында отырған адамдар түсіп билеуде қайта... Бұл Kiki Challenge деп аталады-мыс.
Сонымен біздің айтпағымыз, осындай әдіспен видео түсіріп, әлеуметтік желіге таратқандар міндетті түрде жазаланады. Абайлаңыз!
– Жол ережесінің 2.1.4 тармағына сай, көлік жүргізуші жүріп бара жатқан көлігінен шығып кетпеуге тиіс. Және ереженің 19,5 тармағында көлікке нақты тоқтағанда отырып-түсу керек деп жазылған, – деді Ішкі Істер департаментінің басшылығы.