Идеологиялық маңызы жойылған көше мен жер-су атауларын өзгертуге Шемонайха ауданы шындап кіріскен сыңайлы,-деп хабарлайды Алтайньюс тілшісі.

Жуықта аудандағы Усть-Таловка аулының екі бірдей көшесінің атауы өзгертілуі мүмкін. Елді мекеннің Комсомольская және Советская көшелерінің атауын өзгерту туралы мәселе 12 шілде күні өтетін жергілікті қоғамдық кеңестің отырысында талқыланбақ. Көшенің болашақтағы атауы туралы ұсыныстар да сол күні қаралатын болады.

Жалпы Шемонайха ауданында өткен жылы өзгертілуі тиіс тізімдегі 42 көшенің 12-сі жаңа атауға ие болса, жыл басынан бері тағы 10 көшенің атауы жаңаланды. Мәселен жуықта ғана Мирный кентінің Дружба орталық көшелелірінің бірі –Желтоқсан деген деген атау берілген.