Бұқтырма су қоймасында 4 балықшы құтқарылды (видео)
pexels.com
ШҚО құтқарушылары қайықтары жағалаудан алыс кетіп қалған балықшыларға көмекке келді, деп хабарлайды Altainews.kz тілшісі.
- Бұқтырма су қоймасының «Қаракөл» шығанағында 4 балықшы құтқарушылардың көмегіне жүгінді. Белгілі болғандай қозғалтқыштың ақаулығына байланысты олар жағаға жете алмаған, - деп хабарлады ШҚО ТЖД баспасөз қызметі.
ТЖД қызметкерлері балықшыларды жағаға аман-есен жеткізді. Балықшылар медициналық көмекке мұқтаж емес.
ТЖД ескертеді:
- Қайықта құтқару күртешесін киіп отыру;
- Қатты жел кезінде суға шықпауды;
- Сапар алдында жүзу құралының жарамдылығын тексеру.
Оқи отырыңыз
