Қалалық әкімдікте мемлекеттік бағдарламаның логотипін дайындауға қанша келі металл кеткендігі жайлы айтты, деп хабарлайды Алтайньюс тілшісі.

Бүгін Абай даңғылы бойындағы Абайға арналған тұғырға «Рухани жаңғыру» жазуы қойылды деп жазған едік. Қала әкімдігінің баспасөзінде дәл осындай туынды Сәтпаев даңғылының бойына да қойылғанын айтты.

– Логотип металлдан жасалған, ұзындығы 9, биіктігі 6 метрден асады. Жалпы салмағы 200 келі. Сондай-ақ мүсін түнде жарық шашады, – деді қала әкімдігінің баспасөз хатшысы Әсем Қайратбек.