Су тасқыны Катонқарағайға да жеткен бе?
Облысымыздың аудандары мен қалаларын екінші мәрте су басып жатқанын естеріңізге саламыз. Бұған дейін ауа-райының күрт жылуы мен еріген қар суына қосақтасқан жауын-шашынның салдарынан оннан астам үйлер мен аула аумақтарын су басты деп хабарлаған едік.
Соңғы ақпарат бойынша, су тасқыны Шемонайха, Глубокое, Ұлан аудандарына, сондай-ақ, Өскемен қаласына аса зардап тигізген.
Әлеуметтік желілерде енді Катонқарағай ауданына қарасты Көктерек ауылында түсірілген бейнежазба тарала бастады. Тасқын мұнда да жеткен сыңайлы.
-Көктеректі топан су басты. Көшелерді су басты, адамдар жүзіп жүр. Қоршау да, көлік те суға батты. Гараж, қора түгел суға толды. Қойлар да, картоп та жүзіп жүр су бетінде, - деп байбалам салуда бейнежазба авторлары.
Расымен, мұндағы жағдай қиындап келе жатқан көрінеді. Катонқарағй ауылының басқа ауылдарын су басу туралы әзірше хабар тарала қоймады.