Словенияның Словень-Градец қаласында өткен дзюдодан жасөспірімдер арасындағы Халықаралық турнирде ШҚО спортшылары жақсы нәтиже көрсетті.

Семей қаласындағы № 1 Шығыс Қазақстан облыстық Олимпиадалық резервке мамандандырылған балалар мен жасөспірімдер спорт мектебіінің тәрбиеленушісі Естай Серікбол 66 келі салмақ дәрежесінде алтын медаль жеңіп алды.

-Осы турнирде алтын алсам деген үмітім болды, сәті де түсіп, бабым да, бағым да жанып, алтынға қол жеткіздім. Спортпен айналысуға жол салған ата-анама рахмет! Балаларыңызды осы спорт түрімен айналысуға ықпал етіңіздер. Бұл философия, шеебрлік және күш-қайратты біріктіретін спорт түрі,-деді Естай Серікбол.