«Алтай» алғашқы ойынды жеңіспен бастады
Өскеменде волейболдан әйелдер арасында ҚР Кубогінің финалдық ойындары басталды. 8 команда бақ сынасқан сайыста шығысқазақстандық «Алтай» командасы бірінші ойынын жеңіспен аяқтады.
Бұл жолы «алтайлықтар» алғашқы ойынында «Алтай2» командасымен кездесті. Тартысты ойын барысында 3:0 есебімен волейболдан шығысқазақстандық негізгі құрама «Алтай» командасы жеңіске жетті. Қазанның 26 күні өскемендік қос ұжым өзінің кезекті ойындарын өткізеді. Атап айтсақ, «Алтай 2» «Астана» командасымен, ал, «Алтай» «Алматы» құрамасымен сайысқа түсетін болады.
«Алтай» – «Алтай 2» 3:0 (25:17, 25:21, 25:19)
ШҚО Дене шынықтыру және спорт
басқармасының баспасөз қызметі