Қазақстанда МАГАТЭ-нің аз байытылған уран банкі ашылады
МАГАТЭ-нің аз байытылған уран банкі Қазақстан аумағында 29 тамызда ашылады, деп мәлімдеді Қазақстан президенті Нұрсұлтан Назарбаев.
"Биылғы жылдың 29 тамызында, Ядролық сынаққа қарсы күрес күнінде, Астанада біз ядролық қарусыздандыруды ту етіп ұстаған ғалымдардың Пагуож қозғалысының 60 жылдығына арналған мерейтойлық сессиясын өткізуді жоспарлап отырмыз" – деді Н.Назарбаев дүйсенбі күні Қазақстанда тіркелген дипломатиялық миссиялардың басшыларымен кездесуде.
"Сол күні МАГАТЭ-нің Қазақстан аумағындағы аз байытылған уран банкі ашылады", - деп атап өтті президент.
Президенттің айтуынша, сол күні, сондай-ақ, Қазақстанның ядролық қарусыздандыру саласында тағайындап отырған алғашқы сыйлығы табысталады.
Оқи отырыңыз
