Өскеменде ұлттық ат спорты ойындарынан облыс чемпионатының жүлдегерлері анықталды. Жеңімпаздар Астанада өтіп жатқан «EXPO-2017» халықаралық көрмесіне жолдама алды.

Чемпионат қорытындысы бойынша Ұлан ауданының спортшылары топ жарса, екінші және үшінші орындарға көкпектілік және тарбағатайлық командалар көтерілді. Жеңіске жеткен спортшылар шілде айының 22-23 күндері елордада өтетін Шығыс Қазақстан облысының мәдени күндеріне қатысатын болады.

Айта кетейік, «ЕХРО-2017» көрмесіне облысымыздан көкпар, аударыспақ, теңге алу, қыз қуу, жамбы ату сынды ұлттық ойындар бойынша 60-қа жуық адамнан құралған делегация аттанбақ.

Еске салайық, аталмыш додаға Абай, Көкпекті, Тарбағатай, Ұлан аудандарынан келген командалар мен Өскемен қаласының спортшылары қатысқан болатын.