ШҚО-да Білім күнінде 22 108 оқушы қолдарына «Әліппе» ұстаса, жалпы саны 176 мыңға жуық оқушы жаңа оқу жылына көшті. Бұл жайлы ШҚО Білім басқармасы мәлімдеді, деп хабарлайды ШҚО Ақпараттық орталығы.
ШҚО-да жыл сайын оқушы саны артып келеді. Өткен жылы мектепке 171 мың оқушы барса, биылғы жылы олардың саны 6846 балаға артық. Соның ішінде, 8748 оқушы 11-ші сыныпқа көшкен.
Ағымдағы жылы 674 мектеп бастауыш сыныпқа оқушыларды қабылдайды. Сондай-ақ, облыстық білім басқармасы мәлімдегендей, барлық мектептер тексеру жұмыстарына дайын. Ал жыл соңына дейін тағы 7 мектеп ашылады деп жоспарлануда.
Бүгін республикалық «Мектеп оқулығы» акциясы да өз соңына жетеді. Акция барысында, барлық бірінші сынып оқушыларына салтанатты түрде Қазақстан Республикасы Президентінің атынан «Менің Отаным – Қазақстан» кітабы табысталады.
