Қазақстанда жаңбырлы күндер жалғасады. Бұл туралы 6-8 шілдедегі ауа райы болжамында айтылған, деп хабарлайды Altainews.kz тілшісі.

«Қазгидромет» РМК ақпараты бойынша, демалыс күндері Қазақстан аумағының басым бөлігінде жаңбырлы ауа райы,  найзағай, қатты жел және бұршақ күтіледі.

«Ауа-райының қолайсыздығына Новосибирск аумағынан келетін циклон әсер етіп, елдің солтүстігінде, шығысында, оңтүстік-шығысында және орталығындағы қатты жауынға себеп болады»,-деп хабарлайды «Қазгидромет».

Атап өтілгендей, республиканың солтүстігінде, шығысында және орталығында күндізгі температура +20+28°С, оңтүстік-шығысында +25+33°С шегінде болады деп болжанады.

Ал елдің батысы мен оңтүстігінде +33+40°С қатты ыстық сақталады.