Демалыс күндері мотоциклшілер маусымын ресми түрде қорытындылаған «Шығыс жағалау» атты байк-фестивалі Зырян ауданында болып өтті, деп хабарлайды Аltaynews.kz тілшісі.
Бұқтырма су қоймасының жағасындағы демалыс базаларының бірінде өткен аталмыш іс-шараға 300-ге жуық мотоциклші қатысты. Фестиваль барысында дәстүрге айналған рок-концерт пен түрлі байқаулар ұйымдастырылды. Қонақтар алдында «Субкультура», «Hard Box», «Help» сияқты рок топтары өнер көрсетті.
Жалпы, үш күнге созылған фестивальға Өскемен, Алматы, Қарағанды, Екібастұз, сондай-ақ, Ресейдің Новосібір, Омбы, Змеиногорск қалаларынан келген байкерлер қатысты.
Мәлімет көзі: Аltaynews.kz