Тарбағатай ауданының шалғай ауылдарында шағын және орта кәсіпкерлікпен айналысуға ниетті азаматтарға түрлі қызмет көрсететін орталық ашылды, деп хабарлайды Аltaynews.kz тілшісі.
Орталықтың негізгі мақсаты – «Жұмыспен қамту – 2020» бағдарламасы шеңберінде несие алып, өз кәсібін бастаушыларға, сондай-ақ, бұрынғы бизнесін кеңейтушілерге қызмет көрсету. Көмек сұрап
келгендерге арнайы мамандар бизнес жоспар құруға, сметалық құжаттарын жасауға жәрдемдесіп, есепшілік және салық есептерін, заң актілерін оқытып, құқықтық кеңестер береді.
Ауданда ашылып отырған алғашқы орталық кәсіппен айналысатын тұрғындарға үлкен көмек болғаны рас.
Алдағы жылдары Ақжар ауылында да дәл осындай орталық ашу жоспарда бар.