ШҚ облысы орталығындағы Жаңа Согра кентінде зейнеткер көлік астына түсіп қалды. Қария жолды рұхсат етілмеген жерде кесіп өтпек болған, деп хабарлайды Аltaynews.kz тілшісі.

Жол сақшыларының мәліметтері бойынша, «Титан» аялдамасының маңында ВАЗ-2108 көлігінің жүргізушісі 71 жастағы ер адамды қағып кеткен. Зейнеткер жолдан рұхсат етілмеген жерден өтіп бара жатқан. Бақытсыз оқиғаның салдарынан зардап шегуші әртүрлі жарақаттармен ауруғанаға жеткізілді.