Абай аудандық мәдениет үйінің сахнасына түрлі-түсті жарық экран (Led-экран) орнатылды, деп хабарлайды Аltaynews.kz тілшісі.

Облыс орталықтарында мұндай экрандарды орнату баяғыда-ақ дәстүрге айналған десек те, ауылдағы ағайын үшін бұл – соны жаңалық. Қазір тұрақты жұмыс істеп тұрған қондырғы сахнаның сәнін арттыруда. Ол концерттер мен мәжіліс кездерінде әр шығарманың өзіндік табиғатына сай мазмұнын ашып, кестелермен, фото-слайдтармен толықтырып тұрады.

Қарауылдағы «Аға сұлтан» атындағы орталық алаң төріне орнатылған түрлі-түсті алып экран да бір сәт жүргіншілердің көңілін сергітіп, жылдам ақпаратпен қамтып, әсем әуен, көңілді бағдарламаларымен жағымды әсер сыйлап келеді.