Зырян қаласында белгілі бір тұрғылықты жері жоқ адамдарға арналған 50 төсек-орындық әлеуметтік бейімделу орталығы ашылды, деп хабарлайды Аltaynews.kz тілшісі.

Мұнда тұратын жері мен құжаттары жоқ адамдар үшін жан-жақты әлеуметтік көмек көрсетілетін болады. Орталық қызметкерлері келушілерді күнделікті таңғы сағат 8.00-ден 17.00-ге дейін қабылдамақ.

Сонымен қатар, әлеуметтік бейімделу орталығында түнгі қабылдау бөлімшесі де жұмыс істейді. Мамандардың айтуынша, орталық қызметіне жүгінушілерге ыстық тамақ пен жатын орны ұсынылатын болады.