Зайсан ауданы Сарытерек ауылында шағын футбол алаңының құрылысы аяқталып, жуықта ол салтанатты түрде пайдалануға берілді, деп хабарлайды Аltaynews.kz тілшісі.

Жиынға аудан әкімі А.Оңдақанов қатысып, ауыл тұрғындарын жаңа алаңның ашылуымен құттықтады. Спорттық нысанның ашылу құрметіне шашу шашылып, концерт қойылды.

Артынан жаңа алаңда шағын футболдан жарыс ұйымдастырылды.

Былтыр Сарытеректе хоккей қорабы орнатылса, биыл шағын футбол алаңы салынып, осы арқылы ауылдық округтің спорттық-материалдық базасы нығайып келеді.