Семей қаласындағы Шәкәрім даңғылының бойында қалалық ішкі саясат бөлімінің Жастар орталығы мен Семей қаласы ІІБ жол полиция бөлімі № 37 мектеп-гимназиясы оқушыларынан құралған жас жол инспекторларымен бірлесіп «Біз – сақтық үшін» атты ақпарттық-рейд акциясын өткізді, деп хабарлайды Аltaynews.kz тілшісі.

Ұйымдастырушылардың айтуынша, іс-шараның негізгі мақсаты - көлік жүргізушілеріне жол ережесін, жол белгілерін қатаң түрде сақтауларын ескерту.

Сонымен қатар жаяу жүргіншілерді де жол ережесін қатаң сақтауға дағдыландыра отырып, көше ережесінің ұғымдары мен терминдерін білу адам өмірі үшін қажеттілігін түсіндіру, жолда жүру мәдениетін қалыптастыру, әдептілікке тәрбиелеу.