Семей қалалық ішкі саясат бөлімі басшысының орынбасары Айдар Садырбаев, Тыныбай мешітінің имамы Біржан қажы Аманжолұлы және Воскресенск соборының дьяконы Дмитрий Нектеровтан құралған дін мәселелері жөніндегі ақпараттық-насихаттық топ мүшелері «Семей - Водоконал» мемлекеттік коммуналдық кәсіпорны мен №5 жетім және ата-анасының қамқорлығынсыз қалған балаларға арналған қосалқы мектеп-интернаты ұжымдарымен кездесіп, қоғамдағы дінаралық келісімді сақтау мен нығайтуға бағытталған үгіт-насихат жұмыстарын жүргізді, деп хабарлайды Аltaynews.kz тілшісі ішкі саясат бөлімінің ақпаратына сілтеме жасап.
Күн тәртібінде азаматтардық діни сауаттылығын арттыру, дін саласын реттейтін заңнамаларды түсіндіру мәселелері тұрды.
Тыңдаушыларға негізгі ақпараттар ұсынылғаннан кейін, кездесу сұрақ-жауап түрінде жалғасын тауып, жиналғандар өздерін мазалайтын мәселелер бойынша тұшымды жауаптар алды.
