25-тамыздан бастап «Семей-Астана-Семей» жаңа теміржол маршруты ашылады.

«Тұлпар-Тальго» вагондарымен жабдықталған 63/64 жүрдек поезы 4 күнде бір рет жүреді, ол Астанаға 12 сағатта жетіп қояды», деп түсіндірді Семей вокзалының кезекшісі Айнұр Шағманова.

Кезекшінің айтуынша, поездың құрамында «Гранд» және «Бизнес» кластарының 27 вагоны, вагон-мейрамхана және эконом-класс вагондары бар.

Семейден Астанаға қатынайтын «Тальго» жүрдек маршруты республикада алтыншы маршрут. Бүгінге дейін осындай жүрдек поезд «Алматы-Астана», «Алматы – Шымкент», «Алматы- Петропавл», «Ақтөбе-Астана», «Алматы-Атырау» бағыттарына жүреді.