Шығыс Қазақстандағы «1 Май» механика зауытында тракторларға арналған аспалы қондырғылар шығарылып жатыр. Қар тазалауға арналған мұндай құрал-жабдықтар әзірге Ресейде ғана шығарылып келеді, деп хабарлайды Аltaynews.kz тілшісі.

Шығыс Қазақстан облыстық жолаушылар көлігі және автомобиль жолдары басқармасы төрт облыстың коммуналдық шаруашылық саласы мен кәсіпорындарына осы аспалы қондырғыларды, «Теньши» кәсіпорнында өндіріліп жатқан асфальт-бетон қоспаларына қажетті минералды ұнтақты сатып алуды да ұсынып отыр.

Бұл жобалар «Қуатты аймақтар – қуатты Қазақстан» атты өңіраралық интеграция форумы аясында жасалған уағдаластық келісімдер арқылы жүзеге аспақ.