Жыл басынан шқ облысы жолдарында балалардың қатысуымен 127 жол-көлік оқиғасы орын алды, олардың салдарынан 6 бала көз жұмды және 126-сы жарақаттанды. Кәмелетке толмағандардың 133-нің 21-і өз кінәсі бойынша зардап шекті, деп хабарлайды Аltaynews.kz тілшісі.
ШҚ облыстық жол полициясы басқармасы қызметкерлерінің айтуынша, жүргізушілер кінәсінен болған 106 жол-көлік апатының негізгі себептері - жолаушыларды тасымалдау ережелерін бұзу, жылдамдықты шамадан тыс арттыру, бағдаршамның тыйым салатын сигналына өту болып табылады. Сонымен қатар , жаяу жүргіншілерге жол бермеу сияқты ереже бұзушылық та жиі кездеседі.