Шығыс Қазақстан облысы орталығында тұңғыш роллер бақ пайда болмақ. Ол Комендантка өзенінің арнасында орын тебеді деп жоспарлануда, деп хабарлайды Аltaynews.kz тілшісі.

Бұл туралы қалалық құрылыс бөлімінің бастығы Бақытжан Құдияров мәлімдеді.

– Қазіргі уақытта автобекет маңындағы Комендантка өзенінің арнасын қалпына келтіру жоспарының үшінші кезегі әзірленуде. Жоспар қолға тиіп, барлық қажетті жұмыстар аяқталғаннан кейін бұл жерде роллер бақтың құрылысын бастайтын боламыз, – дейді ол.

Дегенмен, әзірге Комендантка өзенінің бірінші кезегіне қатысты жұмыстардың өзі бітпей жатыр. Ал екінші және үшінші кезектердің уақыты қашан келері тіптен белгісіз.