Облыстағы Достық үйлері Қазақстан халқы Ассамблеясының ХХ сессиясында алға қойылған міндеттерге орай облыстық семинар өткізді, деп хабарлайды Аltaynews.kz тілшісі.
Семинарға Зырян, Курчатов, Шемонайха, Бесқарағай, Бородулиха аудандарынан өкілдер келіп қатысты. Курчатов қаласындағы Достық үйінің жетекшісі Шахмұрат Төлеутаевтың айтуынша, осындай семинарларға қатысып, тәжірибе жинақтау аса маңызды.
«Семейдегі этно-мәдени орталықтардың жұмысы дұрыс жолға қойылған. Бұл жерден үйренеріміз көп», – дейді ол.
Семинар аясында Достық үйінде қолөнер бұйымдарының көрмесі ұйымдастырылды.
Қонақтар жергілікті шеберлердің бұйымдарымен қатар, түрлі ұлттардың дастарқанынан дәм татты. Шеберлік сағаттарына қатысты.