Алматы қаласына бағытталған 5 әуе лайнері ауа райының қолайсыздығынан запастағы әуежайларға қонды, деп хабарлайды Altaynews.kz тілшісі.
Найзағайлы жаңбырдың салдарынан Алматы қаласына ұшып келе жатқан 5 жолаушылар ұшағы Қарағанды және Бішкек қалаларындағы запас әуежайларға қонуға мәжбүр болды.
Алматы әуежайының анықтама қызметінің таратқан мәліметі бойынша Алматыға ұшақтар Астана, Ақтау, Атырау және Мәскеу қалаларынан шыққан екен. Ауа райының қолайсыздығынан әуе лайнерлері Қарғанды, Бішкек қалаларының әуежайыларына аялдады.
Алматыдан ұшақтар өз уақытында ұшып жатыр.