Алматыда түлектер көлік кортежін ұйымдастырған
polisia.kz
Кешеден бері әлеуметтік желіде жол ережесін өрескел бұзған кортеж видеосы тараған.
Видеодан бірінің артынан бірі ерген бес көлікте отырған оқушылар терезеден бастарын шығарып, көліктер тіпті қарсы жолаққа шығып кеткенін байқауға болады, деп хабарлайды Altainews.kz тілшісі.
ҚР ІІМ Алматы облысында жол ережесін өрескел бұзған кортеж қатысушыларын ұстады және барлық автокөліктер арнайы тұраққа тоғытылғанын мәлімдеді.
– Қарсы бағытқа шығуы, жол жүрiсi қағидаларында көзделген жолаушыларды тасымалдау және қауiпсiздiк белдіктерiн пайдалану талаптарын сақтамағаны, маневр жасау қағидаларын бұзғаны және авариялық жағдай жасағаны үшін он алты хаттама толтырылды, – деп хабарлады ҚР ІІМ. – Көлік құралдарында жолаушыларды қауіпсіз тасымалдау жөніндегі талаптарды бұзған кәмелетке толмаған жолаушылардың ата-аналарына олардың балаларын күтіп-бағу, тәрбиелеу, оқыту, құқықтары мен мүдделерін қорғау жөніндегі міндеттерді тиісінше орындамағаны үшін әкімшілік шаралар қабылданды.
Бұған дейін ІІМ кәмелетке толмағандардың ата-аналары мен туыстарына оқу жылы кезінде және одан кейін заңнаманы қатаң сақтау, сондай-ақ, оқушылардың қауіпсіздігін қамтамасыз ету қажеттілігі туралы үндеу жасаған болатын.
Оқи отырыңыз
