Жазғы демалыс маусымында Шығыс Қазақстан облысының аумағында орналасқан қала сыртындағы 31 лагерьдің барлығында жол полициясы қызметкерлері жол қозғалысы қауіпсіздігі күндерін өткізетін болады, деп хабарлайды Аltaynews.kz тілшісі облыстық жол полициясы басқармасының баспасөз қызметіне сілтеме жасап.
Қазірдің өзінде мектеп жанындағы жазғы лагерьлерде жолдағы қауіпсіздік ережелері пысықталып жатыр. №44 мектеп-лицейдің жанындағы сауықтыру лагерінің аға жетекшісі Гүлназ Бақытбекқызының айтуынша, жол сақшылары берген балалар тобын қауіпсіз алып жүрудің нұсқаулығы кез келген мұғалімге өте қажетті.
Балғындар жол жүру ережесімен қоса қалаға экскурсияға шыққан кезде автобустарда өздерін қалай ұстау қажеттігімен де танысып үлгерген.