Шығыс Қазақстан облысында джип көлігінің рулінде ұйықтап кеткен жүргізуші КамАЗ жүк көлігіне соғылды. Зардап шеккендер бар, деп хабарлайды Аltaynews.kz тілшісі.

Облыстық жол полициясының хабарлауынша, оқиға кеше түнде Омбы-Майқапшағай тас жолында орын алған.

"Тойота Ланд Крузер көлігін басқарып келе жатқан алматылық 37 жастағы ер адамның көзі ілініп кетіп, жол шетінде тұрған жүк көлігіне соғылды. Жол-көлік оқиғасының салдарынан жүргізушінің әйелі мен екі жастағы қызы ауыр бас жарақаттарымен Ақжар ауылының ауруханасына түсті" делінген хабарламада.