Катонқарағай ауданы Үлкен Нарын ауылдық лицейінде қазақ-түрік лицейінің оқытушысы Еркін Әміре ҰБТ қарсаңында оқушыларды психологиялық қолдау мақсатында тренинг өткізді, деп хабарлайды Аltaynews.kz тілшісі.
2012-2013 оқу жылы Үлкен Нарын ауылдық лицейі мен Өскемендегі қазақ-түрік лицейі серіктестік қызмет ету жөнінде меморандум жасасқан.
Соған сәйкес ауылдың мұғалімдері өскемендік әріптестерімен бірлесіп, ҰБТ-ға әзірлік, түлектер мен олардың ата-аналарын күрделі сынға психологиялық тұрғыдан дайындау, балалардың мамандық таңдауда дұрыс шешімге келуіне ықпал ету мақсатында іс-шаралар өткерді.
Онда қазақ-түрік лицейінің директоры Әлімжан Игенбаев ата-аналармен арнайы лекция өткізіп, бала тәрбиесінің баршаға ортақ, оған салғырттықпен қарауға болмайтынына тоқталды.
Ал осы білім ордасының оқытушысы Еркін Әміре ҰБТ қарсаңында оқушыларды психологиялық қолдау мақсатында тренинг өткізді.