Өскемен қаласында жеке меншік үйде шыққан өрт кезінде 73 жастағы қария қаза болды, деп хабарлайды Аltaynews.kz тілшісі.
Облыстық ТЖД-нің мамандарының мәліметтеріне жүгінсек, өрт сөндірушілер дабыл бойынша келіп жеткенде ағаштан тұрғызылған жеке меншік үй өрт құшағына оранған. Жалпы аумағы 30 шаршы метр жерде үйдің ағаш құрандыларынан бастап, жеке заттар мен дүние-мүлік, жиһаздар өртеніп кеткен.
Өрт сөндірушілер ғимарат ішін тексерген кезде төсекте жатқан қарияның мәйітін табады. Азамат иіс тиіп қаза болған. Қазір өрттің шығу себептері ретінде мас кезінде шылым шеккен немесе отты пайдалану кезінде абай болмаған деген болжамдар тексерілуде.