Бесқарағай ауданындағы мүмкіндігі шектеулі 30 бала «Біз – Қазақстанның балаларымыз. Біз осы әлемде өмір сүреміз!» атты экскурсия аясында Семей қаласында болып қайтты.
Онда олар Невзоровтар отбасы атындағы бейнелеу өнерінің өлкетану мұражайын тамашалады. XVI-XIX ғасырдағы отандық және еуропалық суретшілердің жұмыстарымен, сондай-ақ, қазіргі заман суретшілерінің туындыларымен танысты.
Бұған қоса қаладағы биологиялық орталықта болып, ел аумағын мекендейтін және экзотикалық жан-жануарларды көрген жас саяхатшылар еліміздің Қарулы Күштері әскери техникасының мұражайын да аралады. Ең соңында «Развлекайка» балалар орталығында болды. Қайтар жолда олар әлеуметтік қызметкерлермен бірге табиғи материалдарды дайындап, орманда тынықты.