Өскемен қаласының Ішкі істер басқарамасына «Промстрой» ЖШС-нің басшылығы шағымданды.
Өтініште 2011 жылдың мамырынан 2012 жылдың сәуір айына дейін «Промстройдың» мүлкі мен өндірістік алаңдары орналасқан «Қазцинк» ЖШС-нің аумағынан белгісіз біреулер құрал-саймандардың 6 будкасын ұрлап әкеткені жазылды. Келтірілген шығын миллион теңгеден астам.
Жедел қызметкерлерімен кәсіпорынның жетекші мамандары мен бұрынғы жұмыскерлері сұралды. Қылмыстық іс қозғалды.
Мәлiметтiң көзi: ҚазАқпарат