Өскемен полиция басқармасына зейнеткер шағымданған. Қарт адам Ушанов қалалық мазарында болған оқиғадан жағасын ұстапты. Белгісіз біреулер молаларды тонап, күл-талқанын шығарған.
«Зейнеткер әкесі мен ағасының басына барып құран бағыштамақ болыпты, алайда ақсақал зираттардың орнында күл-талқаны шыққан үйінділерді көріп зәресі ұшқан. Белгісіз біреулер қорымды қопарып, кірпіштерін тонап кеткен», - деді Өскемен ІІБ баспасөз қызметі.
«Аталған оқиға бойынша қылмыстық іс қозғалды. Жылдам іздестіру шаралары жүріп жатыр. Кінәлілер міндетті түрде іздестіріліп, жауапқа тартылатын болады», - деп нақтылады ведомстводан.