Волейболдан ұлттық лиганың командалары арасындағы жиырмасыншы мерекелік ел чемпионаты былтыр қараша айында басталып, биылғы сәуір айында мәреге жетті.
Ерлер командалары арасындағы соңғы 6-шы тур Хромтау қаласында өтті. Соңғы турда ғана жүлделі орындарға ие болған командалар анықталды. Бірінші орынға «Алматы» мен «ТНК «Казхром» (Хромтау), ал үшінші орынға «Шығыс-СвинецСтрой» (Өскемен) мен «Атырау» (Атырау) волейболшылары таласты.
Аса тартысты өткен бәсекелерде «Алматы» ел чемпионы атанса, «ТНК Казхром» күміс медальға ие болды. «Шығыс-СвинецСтрой» командасы қола медальды еншіледі.
Маусымның үздік ойыншылары ретінде Алексей Гутор («Алматы»), Евгений Быхалов («ТНК Казхром»), Сергей Смирнов («Шығыс-СвинецСтрой») және басқалары аталды.
Ал ұлттық лигадағы әйелдер командалары арасында Талдықорғанның «Жетісу» командасы бірінші орынды иеленді. Өскеменнің «Шығыс-СвинецСтрой» командасы жетінші орынға табан тіреді. Біздің командадан Инна Шкурина маусымның таңдаулы ойыншысы атанды.
Мәлімет көзі Altaynews