Астанада автобус жүргізушілерінің есірткі қабылдау жағдайлары анықталды деп хабарлайды қалалық ішкі істер департаменті баспасөз қызметі.

«Жол полициясы қызметкерлері ІІД есірткі бизнесімен күрес жөніндегі басқармасымен бірлесіп қалалық автобус жүргізушілерінің есірткі заттарын қабылдағанын анықтады, олар жолаушылардың өміріне қауіп төндіретін есірткіге мас күйінде жұмыс істеген», - делінген хабарламада.

Жұмада елордалық полиция қызметкерлері қалалық сегіз автобус паркінің басшылығымен кездесу өткізуге ниетті.