Әзекең бір жылы автомобиль апатына ұшырап, тура мағынасында ажал аузынан қайтады. Одан алыс-жақындағы ауылдастарының барлығы хабардар болған екен.
Емделіп шыққан соң Алматыға барғанда, сол жақта тұратын бір ауылдас әжей кез болып:
- Озан шырағым, сені бұл жақтан жолықтырамын деп ойламаған едім, - деп құшақтап, бетінен сүйе бастайды. Сол кезде Әзекең:
- Ойбай-ау, апа, сонда менімен о дүниеде бірақ жолықпақ па едіңіз? - деп аңдамай сөйлеген қарияны бір састырған екен.