Әзекең Алматыдан Өскеменге көшіп келген соң, біраз уақыт жұмыссыз жүріп қалады. Бір мекемеде лайықты жұмыс барын естіп, барып сөйлессе, бастығы жас жігіт екен. Құжаттарын көріп, істеген қызметтерін сұрастырып білген соң әлгі бастық:
- Бәрі жақсы екен, бәрі келіп тұр. Әттең, жасыңыз тым ересек. Қырыққа дейінгі жаста болсаңыз, ойланбастан қабылдар едім, - деп бірнеше мәрте қайталайды. Мұндай мәймөңкені одан әрі тыңдауға төзімі жетпеген Әзекең:
- Әй, шырағым! Қырыққа дейін мен саған қонаққа шақырсаң да келмес едім, - деген екен.
