Ғылым комитетінің төрағасы Бақтыбай Қасымбеков жұмыстан босатылды. Бұл туралы бүгін Астанада өткен ғылыми кеңес барысында ҚР Білім және ғылым министрі Бақытжан Жұмағұлов мәлім етті.

Оның орнына Қырғыз мемлекеттік ұлттық университетінің түлегі, ҚР Президенті Әкімшілігінде және Парламент Мәжілісінде жұмыс істеген заңгер Нұрлан Ыбырайым тағайындалып отыр. Оның соңғы қызметі - ҚР Білім және ғылым министрлігі Мемлекеттік сатып алулар және құқықтық қамтамасыз ету департаментінің директоры.