Өз бетімен әскери бөлмшенің аумағын тастап кеткен, бірақ 22 шілдеге дейін кінәсін мойындап келген әскери қызметкерлер амнистияға байланысты қылмыстық жазадан босатылады, деп хабарлады Қорғаныс министрлігінің баспасөз қызметі.
Өткен жылғы желтоқсан айының соңында Қазақстан Республикасының Президенті «Қазақстан Республикасы мемлекеттік Тәуелсіздігінің жиырма жылдығына байланысты рақымшылық жасау туралы» Заңға қол қойып, ол үстіміздегі жылғы 22 қаңтардан өз күшіне енді.
«Егер, 22 қаңтарға дейін бөлімді немесе қызмет орнын өз бетімен тастап кеткен әскери қызметші, 22 шілдеден кешікпей әскери басқару, әскери полиция немесе құқық қорғау органдарына кінәсін мойындап келсе, Заңда көрсетілгендей қылмыстық жауаптан босатылады», -делінген хабарламада.
