Астанада әскери қоян-қолтық ұрыстан өткізілген Республикалық турнирде «Шығыс» өңірлік қолбасшылығының намысын қорғаған семейлік жігіттер 3-ші орынды иеленіп, 500 мың теңгелік сертификатты қанжығаларына байлады, деп хабарлайды Алтайньюс тілшісі.

Бұл жарыста жас жауынгерлер ҚР қарулы күштері Жоғарғы бас қолбасшысының кубогы үшін тартысқа түсті. Турнирге Қазақстанның әр түкпірінен жиналаған 30-ға жуық команда қатысты. Олардың басым көпшілігі республикалық және халықаралық додалардың чемпиондары мен жүлдегерлері болып табылады.

Осы спорттық бәсекеде жеңіс тұғырының ең биік сатысына көтерілген барлық жеңімпаздар қомақты ақшалай сыйлықпен марапатталды. Енді олар келесі жылы Санкт-Петербургте өтетін әлем чемпионатына қатысады.