Өскемендік «Алтайдың» Әлем чемпионатындағы болжамды қарсыластары белгілі болды. Алдағы желтоқсан айында Қытайда өтетін жаһандық доп додасында жерлестерімізге Түркия, Бразилия, Тайланд, Қытай және Францияның командалары қарсылас атануы мүмкін, деп хабарлайды Алтайньюс тілшісі.

Айта кетейік, биылғы клубтық Әлем чемпионатына шілде айында Өскеменде өткен Азия біріншілігінің жеңімпазы – тайландтық «Суприм», Еуропа Чемпиондар лигасында топ жарған түркиялық «Вакыфбанк», Оңтүстік Америка үздігі – бразилиялық «Минас», жарыс иесі – қытайлық «Жежиянг», сонымен қатар, «Экзачибаши Витра» (Түркия), «Волеро Ле Канн» (Франция), «Прайя» (Бразилия) және Қазақстан чемпионы «Алтай» қатыспақ.

Жарыстың жеребе тастау рәсімі өткен жоқ, сондықтан «Алтайдың» қай топқа түсіп, кімге қарсылас атанатыны әзірге белгісіз. Дегенмен, өскемендік клубтың спорттық директоры Досжан Уалханов мәлімдегендей, мұндай додада әлсіз қарсылас болмайды, сол себепті «Алтайға» әрбір ойында жеңіс үшін барын салып ойнауға тура келеді.