Шығыс Қазақстан облысында жаңажылдық мереке күні жедел қызметтер үшін тынымсыз жұмыс кезеңі болды. 2024 жылдың 31 желтоқсанында жедел жәрдем станциясы тәулігіне 1001 шақырту қабылдады, деп хабарлайды Altainews.kz тілшісі.

ШҚО әкімі Ермек Көшербаев ведомство басшыларымен бірге жаңажылдық түнде «ШҚО Жедел медициналық көмек станциясына» барып, медицина қызметкерлерін мерекемен құттықтап қайтты.

31 желтоқсаннан 1 қаңтарға қараған түні ШҚО аудандарында 31 жедел жәрдем бригадасы, ал Өскемен қаласында 25 бригада кезекшілік етті. Сонымен қатар, шұғыл шақыртуларға 4 шұғыл медициналық көмек бригадасы дайын болды.

Аймақ басшысы дәрігерлермен және «жедел жәрдем» диспетчерлерімен әңгімелесу барысында жаңажылдық түндегі жедел қызметтердің жұмысының ерекше маңызды екенін атап өтті.