Әлеуметтік желіде тайғанақтап, жол шетіне түсіп кете жаздаған автобустың видеосы таралды, деп хабарлайды Алтайньюс тілшісі.

Оқиға Өскемендегі Лесхоз ауданында болған. Абырой болғанда көлік жолдан ұшып кетпей дер кезінде тоқтады. Жолаушылар да дін аман.

Қала халқының пікірінше, автобустың тайғанауына жолға құм себілмегендігі себеп.

Осы жәйтқа қатысты аумаққа жауапты шаруашылық жүргізуші мекеменің өкілі былый дейді:.

– Жағдайдың барлығынан хабардармыз. Айта кетйік, бұл жерге құм сағат 10:00-де себілген болатын. Жер жағдайы еңіс болғандықтан, соққан жел дереу мұнда қарды үйіп тастайды. Енді тап осында құмды 12:30-да және 16:00-де бір сеуіп қоямыз.

Видеодағы уақытқа сенсек, оқиға сағат 11:44-те болған.