Өскеменде патурльдік көлік көшедегі адамды қағып кетті, деп хабарлайды Алтайньюс тілшісі.

Жол көлік оқиғасы Тәуелсіздік даңғылы мен Стаханов көшесінің қиылысында болды.

– Әйел адам бағдаршамды жаяу жүргінші жолымен өтіп келе жатқан. Осы сәтте оны Глубокое аудандық полиция бөлімшесінің қызметтік көлігі қаққан. Түрлі жарақат алған жаяу жүргінші ауруханаға жеткізілді, – деп мәлімдеді ШҚО Полиция департаменті.

Бейнежазбадан байқасақ, полиция көлігі айтарлықтай жоғары жылдамдықпен келе жатқан. Тежегішті басқаннның өзінде инерция күшімен келіп, жаяу жүргіншіні қаққан.

Полицияның мәлімдеуінше, жол-көлік оқиғасына қатысты ҚР ҚК 345 бап 2 тармағына сәйкес сотқа дейінгі тергеу амалдары жүріп жатыр. Жағдайдың анық-қанығы белгілі болған кезде, айыпты азамат екі жылға бас бостандығынан айырылуы мүмкін.

https://www.instagram.com/p/BtfQdRilELj/?utm_source=ig_embed&utm_campaign=embed_video_watch_again