Өрт шаруа қожалығында орналасқан жер үйден шыққан. Аумағы 672 шаршы метрді құрап отыр, деп хабарлайды Алтайньюс тілшісі.

Глубокое ауданындағы Жаңа Үлбі ауылындағы өрт туралы хабар бүгін таңғы сағат төрттер шамасында түсіпті. Шаруа қожалығының аумағында орналасқан тұрғын үй мен маңындағы қора-қопсы жанып жатқан екен. Өрт сөндірушілер жеткенше шаруашылықтың қызметкерлері 60 бас ірі қара малы мен 8 жылқыны эвакуациялаған.

Өрт сағат 8.00-ге қарай толық сөндіріледі. Үйінділердің арасынан 36 жастағы ер адамның мәйіті табылды.

Қасақана өрт қою дерегі тексеріліп жатыр.