ШҚО әкімі Германиядан келген делегациямен ынтымақтастықты кеңейту тетігін талқылады
Бүгін Шығыс Қазақстан облысының әкімі Нұрымбет Сақтағанов Германияның Қазақстандағы Елшісінің орынбасары Ульрих Киннемен және неміс компанияларының өкілдерімен кездесті. Тараптар экономикалық әріптестік, инвестициялық жобалар және инновациялық бағыттардағы ынтымақтастықты кеңейту мәселелерін талқылады, деп хабарлайды Altainews.kz.
"Германия облысымыздың маңызды технологиялық және экономикалық серіктесі. Қыркүйек айында аймаққа Германия Елшісінің сапары екіжақты диалогты күшейте түсті. Өңір экономикасының негізгі бағыты - металлургия. ШҚО-да 70-тен астам өнеркәсіп орны жұмыс істейді. Ауыл шаруашылығы мен туризм салалары да қарқынды дамып келеді", - деді аймақ басшысы.
Кездесу барысында әкім неміс кәсіпкерлеріне облыс аумағында ауқымды жобаларды жүзеге асыруға мүмкіндік барын жеткізді. Олар да өз қызығушылықтарын білдірді. Кездесу екіжақты серіктестікті нығайтуға бағытталған маңызды қадам болды.
Айта кетейік, бүгінде Шығыс Қазақстан облысы мен Германия арасындағы тауар айналымы 39,5 млн АҚШ долларын құрап отыр.
Фото: ШҚО әкімдігінің баспасөз қызметі
Оқи отырыңыз
Қазақстан мен Германия Транскаспий халықаралық көлік бағыты аясындағы ынтымақтастықты кеңейтедіШҚО әкімі Германия елшісімен кездестіҚазақстан мен АҚШ-тың сауда-экономикалық ынтымақтастық мәселелері талқыландыҚазақстан мен БАӘ басшылары екіжақты ынтымақтастықты нығайту жайын талқыладыГермания компаниялары Қазақстан экономикасына 6 млрд доллар инвестиция құйды
